Monday, February 20, 2006

Sookha darakht

Kal se kuch kuch khoya sa lagta hai. Shayad ek panapta rishta jo ek bel ki tarah mujhse lipate tha. bachpan mein maa kahti thi mamta aurpyar ka amrit kitna bhi udenlo, kalash khali nahin hota, par ab kai baar mujhe lagne laga hai ki ye unka sach tha. main to kai baar koshish karti hoon, mamta udenlne ki , us sneh ko jo baadh aayi nadi sa umad padta hai, meri is choti si sakhi ke liye(jis mein sakhi kam , bahan aur ek bacchi jyada pati hoon)ke liye par jaane kaise hriday se aate aate , kuch boondein bhi nahin gir paati, kahan shushk ho jaata hai ye sara vatsalaya, kahin mere shabdon ki ushnata pa, vaashp ban ud jaata hai, ya vahi sab samet kar bhi ret se sookhi hi rah jaati hai. par us ki uljhane uthate suljhate main hi ulajhati ja rahi hoon, aur saath hi ulajhata ja rahahai, ye sambandh.






"Fir se upaja
ankur ek rishte ka,
fir se sameti maine apni aasteene
ki seenchoon unhein prem ke ras se
fir se samjhaya,
man ki retili jameen par ,
khade us sookhe darakht ne
mat seencho rishto ko, ye badhte hain,
hare hote hain, fir thoonth ho jaate hain
meri tarah"
(a poem by Ashutosh)

Posted by Neelima Arora :: 1:07 AM :: 0 Comments:

Post a Comment

---------------------------------------