Thursday, June 22, 2006

Rishte

Rishte bhi pani ki tarah hote hain,
Kabhi chalte hain veg se,
Kabhi sookhte hain jindagi ki ret pe,
Kabhi ud jaate hain vashp ban ke, fir se umad ghumad aa kar baras jane ko
Kabhi aankho mein rook jate hain, aansoo ki manind bas yoon hi sath sath roolane ko
To kabhi ubal padte hain aaveg mein
Bulbulo se shanbhangur bhi hote hain, jo aaj hain, kal nahin
Barf bhi ban jam jate hai sheet prapat mein,
Ushnata kho dete hai baat hi baat mein
kuch rishte aise hote hain ki un mein apna pratibimb dikhai deta hai,
jo kabhi nahin suna tha, vo antarman ka satya bhi sunai deta hai,
Par fir bhi,
rishto ka hona utna hi jaroori hai,
jitna pani ka,
Jeevan ko jeevan kahne ke liye……….

(Neelima Arora)

Posted by Neelima Arora :: 9:35 PM :: 3 Comments:

Post a Comment

---------------------------------------