Saturday, June 02, 2007

vo patthar khate hain

Vo patthar khate hain!
haan yahi to suna tha maine, jab thak kar aa kar bag kursi par daal TV on kiya. Laga koi routine news hogi. kahan pattharbaji aagjani nahin ho rahi hai kahin dharm ke naam par, kahin aarakshan ke naam par, har taraf to aam aadmi pathar hi kha raha hai balwaiyon ke beech mein, ek bhadki bheed ke haathon.
Par aashcharya hua, ye to Orissa ke kuch aadivasi parivaro ki lachari ki katha thi jo vivash hain apni bhook mitane ke liye pet bharne ko patthar khane ke liye
. ye parivar bhor hote hi nikal padte hain apne aujar leke , hatho mein fawde liye badon se baccho tajk sabhi. aur jameen khod kar nikalte hain ek khas tarah ke patthar jin se vo apni bhukh shant karte hain. report mein diya hai ki vahan political circle mein halla mach gaya hai is khabar par, ek committee ko aadesh diya hai ek hafte mein report pesh karne ka, aarop pratyaropon ka bazar garm hai, preliminary report bana li gayi hai,kathan par kathan prakashit ho rahe hain, tv reporters par mukaddmewin dayar kiye gayen hai. Koi nahin kaanta ki ye chichori patrakarita hai ya logo ki durdasha ka nanga sach.sacchai kuch bhi ho, par kahin nahin bataya gaya ki is parivar ke liye kya kiya gaya?
aashcharya, shoonya hoti samwednao par.lupt hoti manavata par.

Posted by Neelima Arora :: 5:40 AM :: 0 Comments:

Post a Comment

---------------------------------------