Mera vyaktitva
Recent Entries
Sankalan
Path ke Pahchane
Credits
Saturday, September 19, 2009
Kuch aksharo ki keemat
maan ko doctor lafj se kuch ajeeb sa lagav tha, vo chahti thi ki kuch ban paoon mein, kya chahti thi vo . kabhi kahti ki kuch aisa karoo ki duniya dekhe, phir khud ko hi nakarti aur kahti ki nahin, balki kuch aisa ki duniya yaad kare. fir sar jhatakte hue kahti ki nahin, koi jane na jane, par tu to kuch aisa kariyo meri bitto ki logo ko bhala ho, ye jo beemariya hai na, jin ke aage log bebas ho jaate hain, kuch hal nika na unko, alag alag khvab buti mere liye. jab mein use padh padh kar DNa, RNa, proteins sab batati to kaise bachcho ki tarah baith kar sunti , molecular biology ki kitabo ke chitra dekhtoi baithti thi maan mere sath rato ko jagne ke liye. idhar main taiyari kar rahi hoti udhar maan kuch kuch sawal pocchti rahti mein , jhunjhla bhi padti thi kabhi ki chodo maan main tumhe samjha nahin paoongi. maan poochti ki samjha nahin paoge to kar kaise paoge aur mein shuru hoo jaati un ke prashno ka jawab dene unke bal sulabh koutuk ko shant karne, sirf chouthi class tak padhi thi maan , par ruchi thi unki is sab mein.unki ek baat yaad hai mujhe, vo kahti ki vo gyan ho, ya vigyan agar ek bacche ko, ek boodhe ko, ek anpadh ho aur ek shodhkartaon ko unke star par ja kar samjha na pao to bekar hai. kitni baar unhone apni raato ki neend khoyi, kuch din katouti ki asur kiya ek nirantar sangharsh mujhe aage le jaane ke liye, har baar sambbal bani mera par main dekh hi nahin payi ki jis stambh ke neeche mein svasyam ko surakhshit mahsoos kar rahi hoon, vo khud kaise jeerna hota ja raha hai, vo ped jiski shakhaein mujhe aasara deti hai aur bachati hai us toofan mein mere sar ki chat ban ke, beemari aur abhav mein us ki njadein khud khokhli ho uthi hai ki kab gir pade pata hi nahin. ye ahsass jab tak ho pata, kahein to bahut der ho chuki thi par ..........
tab mujhe laga ki chodo ye sab aur chalo paisa hi banate hain, kam se kam maa ko kuch sukh to mile aur maine coachinfg centres par padhana shuru kiya, part time jise full time karne ki soch us samay dimagg mein aayi jab mere guide ne kaha ki do mein se ek kaam, ya to bahar padha lo ya ph.d hi kar lo, mein ph.d chodne ka man bana chukui thi ki maan ne kasam di ki nahin, mujhe tere naam se pahle ye doctor shabd laga dekhna hain, bahut rosh ho aaya kyunki agar coaching se aaye extra paise na aate to maan ke ilaaj mein lagne vale paise kahan se aate. guide ki ye shart tab jab baki sare sahpathi bhi ye sab chori chipe kar rahe the, par maan ki baat mannni padi aur in sab abhavo mein har das din par m,aan kjo admit karana padta hospital mein. ph.d ke previva se pahle maan aakhiri baar admit hui aur das din mein dam tod diya , us marnasann avastha mein bhi vo taiyari karne ko kahti aur mera dhyan laga rahtas dono aur, ek haath mein thesis ke notes aur doosri aur maan ka dhyaan , aur maan chal basi , bina apni sadh poori hue,aaj degree award hue mahino beet gaye, yahoo signature mein bhi dr neelima likh liya hai par khud doctor neelima likhte svayam ko sahaj nahin paati,haath kaanp jate hai kyunki maine bahut badi keemat chukayi hai is shabd doctor ke liye apni maan ko kho kar. aur jab science ke naam par thagi dekhti hoon, to man vilaap kar uthta hai par chara nahin hai .jab pata chalta hai ki ye bade bade scientist (sab ki baat nahin kar rahi), science ka jo lubhavna roop dikhate ho, jaise bharmate hain rog ke vikat roop dikha , aur bade bade daave kar anudaan lene ke samay ya phir goshtiyon mein, vo vaisa hi jaise maan bachche ko bahlane ke liye thali mein chand dikhaye, utne hi door hote hai inke kuch achcha karne ke dave jitna thali se chaand.
Posted by Neelima Arora :: 4:52 AM :: 0 Comments: ---------------------------------------